2.0. Styrkhæf verkefni
2.1. Hvað er styrkt?
Sjóðurinn veitir eingöngu styrki vegna kostnaðar við þátttöku félagsfólks þeirra stéttarfélaga sem aðild eiga að sjóðnum í því fræðsluverkefni sem umsækjandi stendur fyrir.
2.2. Námskeið fyrir sjóðsfélaga sem stuðla að aukinni starfsmenntun.
Mannauðssjóðurinn Hekla gerir samstarfssamninga við fræðsluaðila um langtíma og skammtímaverkefni þar sem aðilar að sjóðnum geta sótt fræðslu sem setrið býður upp á og greiðir Mannauðssjóðurinn skv. samningi milliliðalaust fyrir þátttöku.
2.3. Námskeið/innanhúsfræðsla.
Sveitarfélög/vinnuveitendur geta sótt um styrk til að kosta fræðslu sem fram fer innan stofnana þeirra. Umsókn um slíka fræðslu þarf að berast áður en námskeið eru haldin. Sjóðsstjórn tekur ákvörðun hverju sinni um upphæð hverrar styrkumsóknar sem getur orðið allt að 30.000 á mann að hámarki en heildarstyrkupphæð getur aldrei orðið hærri en 1.200.000 kr. á hverja stofnun.
2.4. Þarfagreining, úttekt/ráðgjöf til sveitarfélaga og/eða stofnana.
Sveitarfélög geta gert samning við Mannauðssjóðinn um ráðgjöf í ákveðinn tíma til þess að greina fræðsluþarfir og í kjölfarið gert fræðsluáætlun sem hentar. Slíkt verkefni aðstoðar sveitarfélög að koma á markvissara skipulagi í tengslum við endur- og símenntun starfsmanna sinna. Mannauðssjóður greiðir allt að 50% af kostnaði sinna sjóðsfélaga á móts við sveitarfélagið en þó aldrei hærri upphæð en 600.000 kr. Hægt er að sækja um einu sinni á hverjum fimm árum.
2.5. Rafrænt námsumhverfi.
Veittir eru styrkir til rafræns námsumhverfis sveitarfélaga og stofnana. Stjórn sjóðsins metur slíkar umsóknir hverju sinni.
2.5.1. Stafrænir fræðslupakkar og rafræn fræðslusöfn.
Áskrift af stafrænum/rafrænum fræðslupökkum eða rafrænum fræðslusöfnum eru styrkhæf um 50% af reikningi til móts við sveitarfélög og stofnanir þeirra í hlutfalli við fjölda starfsmanna sem aðild eiga að sjóðnum. Skýr greinagerð skal fylgja umsókn og samantekt um notkun ef sótt er um í kjölfar fyrri áskriftar.
2.5.2. Rafræn námskerfi.
Áskrift af rafrænu námskerfi er styrkhæf í hlutfalli við fjölda starfsmanna sem aðild eiga að sjóðnum. Aldrei er greitt meira en sem nemur kr. 6.000 pr. sjóðsfélaga á ári. Gert er ráð fyrir áskrift í a.m.k. 6-12 mánuði.
2.5.3. Uppsetning rafræns námskerfis.
Þau sveitarfélög eða stofnanir sem kaupa aðgang að kerfi og setja upp rafrænt námsumhverfi með öllu því sem fylgir geta sótt um sérstakan styrk til að setja upp námskerfið, læra á það og nýta. Gert er ráð fyrir að þegar vinnu ráðgjafa er lokið verði stofnunin sjálfbær hvað varðar umsjón og eftirfylgni námskerfis. Stjórn metur hámark styrkja eftir eðli umsóknar og stöðu sjóðsins hverju sinni.
2.6. Náms- og kynnisferðir.
Hægt er að sækja um styrk vegna náms- og kynnisferða bæði innanlands og utan. Athugið að um sjálfstæða styrki er að ræða sem hafa ekki áhrif hver á annan. Ekki er hægt að flytja styrki á milli liða 2.6.1, 2.6.2 eða 2.6.3.
Við afgreiðslu er litið til eftirfarandi þátta:
- Hvort fræðsla/námskeið tengist starfsemi viðkomandi stofnunar og nýtist starfseminni og starfsfólki til framþróunar í starfi.
- Hvort fræðsludagskrá sé vönduð og þar sé að finna bæði fræðslu og kyningu á sömu eða sambærilegum störfum í viðkomandi landi eða landshluta.
- Hvort umfang fræðslu sé í samræmi við úthlutunarreglur sjóðsins.
- Hvort öll fylgiskjöl og staðsetning móttökuaðila hafi borist.
- Hvort umsókn sé vönduð og vel útfyllt. Heimilt er að hafna umsókn ef hún er ekki nógu vel rökstudd og ef fylgiskjölum er ábótavant.
2.6.1. Náms- og kynnisferðir erlendis.
Áhverju fjögurra ára tímabili gefst stofnun/sveitarfélagi kostur á að sækja um styrk til náms- og kynninsferðar erlendis að hámarki kr. 170.000 á hvern einstakling. Styrkurinn nær yfir kostnað v. ferða, fræðslu/kynninga og gistingar að hámarki vegna þriggja gistinátta. Sótt er um styrkinn fyrirfram og umsókninni skal fylgja dagskrá sem spannar að lágmarki tvo vinnudaga með sex klukkustunda fræðsludagskrá hvorn vinnudag. Ekki er veittur styrkur til hótelgistinga vegna frídaga án skipulagðrar fræðsludagskrár. Skila þarf inn lista yfir þátttakendur ásamt sundurliðaðri kostnaðaráætlun og staðfestingu móttökuaðila. Styrkur er greiddur til sveitarfélags eftir að ferð er farin og reikningar/greiðslukvittanir hafa borist.
2.6.2. Náms- og kynnisferðir innanlands.
Á hverju tveggja ára tímabili gefst stofnun/sveitarfélagi kostur á að sækja um styrk til náms- og kynnisferðar innanlands. Styrkurinn nær yfir kostnað v. ferða, gistingar og fræðslu/kynningar. Styrkur innanlands er að hámarki 90.000 á einstakling á hverju tveggja ára tímabili. Sótt er um styrkinn fyrirfram og umsókninni skal fylgja dagskrá sem spannar að lágmarki einn vinnudag með fjögurra klukkustunda fræðsludagskrá. Skila þarf inn lista yfir þátttakendur ásamt sundurliðaðri kostnaðaráætlun og staðfestingu móttökuaðila. Styrkur er greiddur til sveitarfélags eftir að ferð er farin og reikningar/greiðslukvittanir hafa borist.
2.6.3. Ráðstefnur, nám eða námskeið erlendis.